ఆనందనిలయా

 అమృతము కన్న మిన్నయగు క్షీరము

తాగనెంచిన క్రిష్ణుని మక్కువ గని గోవిందుని

పార్శ్వము నుండి పుట్టుకొచ్చె సురభి లేగ తోడుగా పాల 

ధారలతో గోలోక బృందావని పరవళ్ళు తొక్కగా

భూభారము తొలగించు భారమున భువి చేరిన

పృధ్వీ భారనాశనునకు అలసట తీర్చి ముదము

గూర్చ గోలోకము వీడి గోకులము చేరె గో గోవత్స

సమూహము లెల్ల వురకలెత్తు  ఉత్సాహమున

  సురభి సంతుకు సంతసంబు చేయ వనంబులందు వేణువులూదితివి లేగల పదఘట్టన లో రేగిన ధూళి ఎర్రచందనం వోలే

అలుముకొంటివి ప్రేమతోడ కంఠముల కావలించుకొంటివి ఇంచుక కరుణతోడ లక్ష్మీకిరణులకు నీ ఆలింగనపు ఆనందమిమ్మా

ఆనందనిలయా