అజ్ఞాతవాసి

ఓ అజ్ఞాతవాసి జ్ఞాతం లోకి పయనించు పలకరింపులనే తొలకరింపులను మాపై చిలకరింపు ఎదురుచూపులతో ఎండిన కనులకోలనులలో కలువలు పూయించు ఓ అజ్ఞాతవాసి జ్ఞాతం లోకి పయనించు తడి తడి తళుకులతో అలరారు లేలేత చిగురుటాకుల పెదవులపై చిరునవ్వులు కురిపించు ఆప్తుని ఆదరం లేక అవిసిపోయిన అధరాలపై ఆనందపు జల్లులు కురిపించు

ఓ అజ్ఞాతవాసి జ్ఞాతం లోకి పయనించు జ్ఞాపకాల దొంతరలను కదిలించి తీపి గురతుల ఆనవాళ్ళను పెకలించి మోడువారిన గుండె గూటిలో నీ చిలిపి అల్లరుల చిరుగజ్జెలు మోగించు ఓ అజ్ఞాతవాసి జ్ఞాతం లోకి పయనించు చేతిలో చేతిని కలిపి చూపులో చూపుని నిలిపి నీడను కాను నీలో సగాన్ని అని నాలో నిలిచిపో