హసిత చంద్రిక

ఉదయ సంధ్యారాగపు లేత ఎరుపుకాంతుల /అధరాకాశపు మబ్బుతునకల నడుమ భానుడి/ వెలుగురేఖల్లా కోటి తారకల తళుకు బెళుకుల్లా /కోటి చంద్రుల వెన్నెల చల్లదనంలా/ చేరవచ్చే నను నీ దరహాసచంద్రికలు హసిత చంద్రికా // అలివేణి అరవిచ్చిన మందారపు అధరాల/ నడుమ మురిసే ముత్యపు సరాగాలు /మల్లెల పరిమళాలతో అద్దిన చిరుగాలి తునకలవలే /వలె నను పరవశింప చేసే నీ దరహాసచంద్రికలు హసిత చంద్రికా// కలనైనా వీడిపోవు ఆ నవ్వుల దివ్వెలు / కలకాలం నిలచిపోవు గుండె గూటిలో / జన్మాలు మారినా వాడని నిత్యమల్లెలే / నీ దరహాసచంద్రికలు హసిత చంద్రికా//