నిత్యహోళీ

జగముల క్షేమంబు కోరి గొంతున 

గరళము దాచిన గోపీశ్వరునకు 

రాధేశ్వరుడొనరించె రసరమ్యపు 

రంగుల అభిషేకంబు కన్నుల పండువగా 

 పన్నగ భూషణుడౌ పశుపతిని పసుపు ధారల పరవశింప చెసే 

 వెండికొండల కైలాసవాసునకు తెల్లని విరజాజుల తోరణము కట్టే 

దిగంబరునకు నీలి వర్ణపు నీరవముల అంబరము లద్దే తాండవమాడు రుద్రునకు రక్తవర్ణపు రుద్రాక్షువుల మాలలద్దే 

మంగళకరుడగు ముక్కంటికి ఆకుపచ్చని పకృతికాంత సొబగులద్దే 

 శాంతమే తానైన సాంబునకు కాషాయాంబరపు కమలాల మాల తొడిగే 

హరిహరుల కలయికయే సప్తవర్ణాల హరివిల్లై 

లోకంబుల నిత్యహోళీ కేళి సంబరంబులాయే