ఓ అజ్ఞాతవాసి

నేనొక ఆప్యాయతల అన్వేషిని

నీవేమో ఆప్యాయతల రూపధారివి 

 

నేనొక ప్రేమ పిపాసిని

 నీవేమో ప్రేమకు ప్రతిరూపానివి 

 

 నేనొక ఆశావాదిని 

నీవేమో ఆశకు ఆలంబనవు 

 

 నేనేమో మమతకు దాసోహం 

నీవేమో మమతల మణిదీపం 

 

నేనొక ఆనంద విహారి 

నీవేమో ఆనందాలకు ఆటపట్టు 

 

నేనేమో వినయానికి విధేయుడిని 

నీవేమో వినయ భూషణవు 

 

నాదేమో చక్కని పలకరింతకై ఎదురుచూపు 

నీవేమో  సరస మధుర భాషణవు 

 

 సర్వ సుగుణాల రాశి  లలిత లావణ్య భాసి 

ఓ అజ్ఞాతవాసి

 

ఏనాటికి ఫలించునో ఈ ఎదురుచూపు 

ఎన్నటికి లభించునో ఆప్తుని ఆదరం 

వేచి చూచెదగాక జన్మ జన్మాంతరాలదాక