అలా చూడబోకు

హృదయాన్ని కట్టిపడేసేలా 

మనసును మరిపించేలా 

అజ్ఞాత వాసి అలా చూడబోకు 

బ్రమరాన్ని బంధించే కమలం లా 

కమలాల వంటి నీ కన్నుల కాంతులతో 

అజ్ఞాత వాసి నను కట్టి వేయకు 

వేణునాదానికి పరవశించి వేటగాడికి చిక్కిన లేడిపిల్లలా 

చంద్ర రేఖల వంటి నీ కనుదోయి చందానికి చిక్కితి 

అజ్ఞాత వాసి నను వేధించ బోకు 

మంచు వర్షంతో మూసుకుపోయిన దారులలా 

స్నేహామృతాన్ని వర్షించే నీ చల్లని చూపులలో

అజ్ఞాతవాసి నను ముంచి వేయకు