నీలి వర్ణపు సోయగం

నీలి వర్ణపు సోయగం నీలి కాంతుల పంచె కట్టిన ఆకాశరాజు చూసి భూకాంత బుగ్గపై పూచిన నును సిగ్గు మొగ్గలు  నీలి వర్ణపు మయూరములై హొయలొలికించిన  ముచ్చటతోడ   దట్టమైన నల్లమబ్బు తునకల  మరులు గొని  గగనాధీశుడు ప్రేమ జల్లుల  విరులు కురిపించగా చిరుజల్లుల తాకిడితో ఎద పొంగిన వసుధ  మేని గంధపు సువాసనల  మురిసిన మయూరం పురివిప్పి కప్పిన ఆకు పచ్చని శోభలతో కీంకారపు ధ్వనులతో ఆవని పరవశించే  గగన సీమయే పురుషుడు భూమాతయే ప్రకృతి కాంత  ఇరువురి ప్రేమపూర్వక సమాగమమే  విశ్వమున  శోభిల్లు లక్ష్మీ కళ