హరి హర ! ఓ చిన్న విన్నపం

హర నాలోని అహంకారాన్ని నీవు స్వీకరించు

 వినయమనే అమృత బిందువులు నాకు అందించు 

 హరి సంసారమనే సముద్రంలో నీవు విహరించు 

 శాంతం అనే సౌధంలో నన్నుంచు

 శివ నాలోని మదనుడిని నీవు తీసుకో 

 నీ వైరాగ్య భావన నాకు ఇవ్వు

 క్రిష్ణ నాలోని అరిషడ్ వర్గమనే ఆరు తలల పాముపై నీవు నాట్యమాడు

 నీ పాద పద్మముల మకరందం గ్రోలు మనస్సునివ్వు శంభు: అమంగళ మగు ఆలోచనలను హరించు మంగళకరమగు ఆలోచనలను ప్రేరేపించు 

 ధరణీధర సకల జీవులలో నిన్నే కాంచు కనులనివ్వు 

 మా భారం వహించు మమ్మను అనుగ్రహించు