పద్మసుందరీ ప్రియుని

 

పంకజాక్షుని పాద పంకజ నాట్యవిలాసముల రేగిన 
పృధివీపంకజ పరాగం గోపికాంగానల మేని గంధమై మెరియ      

పుండరీకవరదుని కాలి అందియల  మువ్వల సవ్వడులు 

గోపికారమణుల హృదయము రాగరంజితము చేయ 

 

పద్మనాభుని హృదయసీమపై నాట్యమాడు జాజీ చంపక మల్లికాదుల 

అలమిన చెమటగంధపు విరిజల్లులు అంగనామణుల అధరసుధలై విరియ 

పూర్ణసోముని మోముతో ముద్దు గొలుపు నల్లనయ్య ఆధారాలపై పూచిన 

చిరు నగవు కెంపులు లలనామణుల నునుబుగ్గ సిగ్గుమొగ్గలై అరయ 

పద్మసుందరీ ప్రియుని సుందర నాట్యవిలాసములు లక్ష్మీ కిరణుల 

హృదయబృందావనిలో నిరతము సందడి చేయుగాక